Hindi Love Stories Me adhuri reh gayi


  • Kya  bayan  kare  hum wo  lamha  jab unse mile the….kab kese kahan ye sab to bol denge par kyu hum unse mile uska jawab kaun dega hame………………..
  • 12th khatm hone ke baad college me admission hua.thoda sa dar  tha dil me ke kese naye dost milenge kese honge teachers.us din pehli class thi meri  room number 8 me………(.kise pata tha wo room ek din meri yaado me kuch yun basega ki kabhi use me bhul naa paaungi.).to pehla class khatm hote hi me bahar aayi tabhi pichhe se mujhe kisine bulaaya “sruti,ruko to me v aa rahi hu.”ye aawaz to pehle v suna tha kahin pe.aare ye to meri bachpan ki friend thi sikha.kesi ho sikha or tum mere hi class me ho,mene puchha.usne kaha haa re ab to milke padhenge.fir dono milke college me thoda ghume fir ghar aa gaye.ese hi kuch mahine bit gaye.or dekhte hi dekhte ek saal v.ab hum  2nd year me the.ek din kuch seniors hamare class me aaye or bole annual function hone waala he jo koi v competitions me part lena chahte ho apna naam de dena or haan magazine k liye v articles de sakte ho.sikha ne mujhe kaha tum itna achha likhti ho poems to do na magazine me.mene kaha hmm agar kuch achha likhungi to dungi.poems likhna mujhe bahat pasand thaa hamesa se.aaj v pasand he……par un dino me or aaj me bahat fark he……..
  • Bahat sochne ke baad mene ek poem likha or magazine me de diya.or wo publish v hua.kuch dostone aake mujhe kaha ki poem bahat achha he.kuchh din baad annual function hua.me or sikha sath bethe the.kuch der baad ek ladka stage pe aaya.dikhne me bahat achha tha.wo gaana gaane wala tha.college ki ladkiyan chila rahi thi use dekhke.gaane se pehle usne bola “kuch din pehle kisise bina mile bina baat kiye uski soch mere dil ko chhu gayi utna ki aaj ye gaana me usko dedicate karta hu.or usne gaana gaayaa.bahat achha gaayaa usne.kuch din bit gaye.ek din garden  me bethi thi sikha canteen gayi thi kuchh khane ko lane.kisine aake kaha Excuse me,mene pichhe mud ke dekha wohi ladka tha.usne fir kaha tum hi Sruti Sharma ho kya?mene kaha haan.me kuch or bolti use pehle hi wo wahan beth gaya or bolne laga tumhe kahan kahan nehi dhundaa pataa he.tum kahan thi yaar?me kuch bolu use pehle wo fir kehne lagaa kya poem likhti ho yaar dil ko chhu gayi.tumhari poem roj padhta hu.fan ho gaya hu tumhare poem ka.thoda ruk ke wo bola kuch bolo v.sorry sorry tabse me hi bol raha hu.hii myself sidharth,tumhare poem ka sabse bada fan.tab tak me chup thi fir boli ok ok thank u.sikha aa gayi thi or hum dono wahan se chale gaye.mene kuch dhyan nehi diya is baat pe.kuch din bit gaye me firse sid se mili.wo dekhte hi mujhe puchhne lagaa kuch or poems likhi he kya?agar he to kya me wo padh sakta hu?ese hi bahat kuch wo bolne laga me thik he bolke chali gayi.ab hamari bahat bar mulakat ho rahi thi.ek bar socha ki chalo ek poem likh hi deti hu.wo poem jab mene use diya to wo itna khus hua ki kya bolu!!mujhe v khusi hui.ab wo roj milne laga mujhse.fir kuch din baad mene use dekha nehi.pehli bar mujhe kuch alaag sa laga.yun laga jese kuch khali he.pata nehi kya sochke mene ek or poem likha or college gayi or poem pakad ke idhar udhar dekh rahi thi.suddenly wo aake bola tumne mere liye poem likha?me kuch bol nehi paayi par uski wo baatse mujhe kuch ajeeb sa lagaa.kuch din k baad wo firse kahin chala gayaa.firse mujhe wohi feeling hui or mene poem likh di or esi hi do tin bar hua.uske baad mere dilko lagne laga tha ki sid k liye kuch to he mere dilme.ab to mujhe roj hi poem likhne ka dil karta tha or ab ye sid ke liye hi tha.sid or me bahat ache dost ban gaye the.college me dosto ne picnic jaane ka plan banaya.hum v gaye.wahan hum ek game khel rahe the.usi game ke dauran sid ko apne dosto me se kisi ladki ko propose karna tha.sab ladkiyan soch rahi thi ki kise karega.suddenly wo mere paas aaya or mujhe propose kiya.me to surprised thi.fir usne bola don’t mind haan ye bas ek game he.haa wo ek game tha par mere dilko ye kya ho gaya wo baate sunke!!!!!!!
  • Us dinse mere dil me kuch to hua.fir v mene ignore kiya kyu ki mujhe laga uske dilme mere liye feelings nehi he.so jo v mere feelings the unpe control kiya.dekhte hi dekhte hamara final year khatm ho gaya.hum sab last day ko college gaye farewell party ke liye.us din mene sid ko dekha nehi tha.me use dhundne lagi.fir mene dekha room 8 khulaa hua tha.wahan jaake dekha to wahan sid tha.kuch disturbed tha.mene kaha yahan kya kar rahe ho chalo party suru ho gayi he.wo chup chap tha pehli bar.wo chalke meri taraf aaya.pehli bar wo mere karib aaya usne mere ankhome dekha.meri saanse ruk gayi thi jese.ek pal k liye laga jese wo mujhe propose karega avi…..par usne kuch nehi kaha bas chup chap wahan se chala gaya.me kuch samajh nehi paayi to aagayi partyme.mujhe gharse phone aaya to party se bahar aake me baat kar rahi thi.network ka problem tha.thodi der baad pichhe se sid ne kaha mera phone use karlo.mene kaha rehne do baadme baat karlungi avi party me chalte he.wo wahan pe chup chap khada raha.mene kaha kya baat he sid.sad ho kya bahat?wo thoda chup raha or firse mere paas aa gaya.mene kuchh nehi bola usne mujhse puchha sruti college ke baad mujhe yaad to karogi na mene kaha tum mere bahat ache dost ho kyu nehi karungi yaad.usne mere haat pakad liya..pehli bar…me uske ankho me dekh rahi thi.tabhi baris suru ho gayi.dono bhig rahe the.usne kaha sruti kuch bolna chahta hu tumhe.mene  kaha bolo.wo mere haato ko apne dilpe rakhke bola….sruti…..me……..tumse…..
  • Wo chup ho gaya.mene kaha bolo.usne kaha me bahat miss karunga.usne mera haat chhod diya or wo pehle jesa behave karne laga.or andar aa gaya.me v aagayi.mene jitni bar v use dekha wo muskura raha tha mujhe kuch samajh nehi aa raha tha kyu ki thodi der pehle mere haato me jitne baris ke thandi bunde thi unme do bund garam v the.jo ki  sid ki ankho se nikle the ye me samajh chuki thi.party khatm hui sid mujhe aake bola ok dear chalta hu pata nehi kavi mulakat hogi ya nehi.me chup thi.wo chala gaya.mere ankho me bahat aasu aaye……………………..……….jo aaj tak ruk nehi paae……………………..….
  • aaj 5 saal ho gaye us baatko.Ab me chahu to v usko nehi puchh sakti ki wo kya bolna chahta tha.kyu ki bhagwan ne use mujhse bahat dur legaye  jahan se wo kabhi wapas nehi aa sakta…….uska heart problem tha jiski wajah se…………….or ab me akhri saans tak uski adhuri baato k jariye ji rahi hu………..aaj v bariso ki bundo me use me mehsus karti hu……………….aaj v poems likhti hu kahin wo usko padhne aa jaae kahinse…………….or ab tak me adhuri hu…

Comments